HasieraArgitalpenakEtxean Ondo. Metodologia eta euskarri dokumentuak eta esku hartzeko esparru programak

Etxean Ondo. Metodologia eta euskarri dokumentuak eta esku hartzeko esparru programak

  Urtea:
2012
 Profesionalak: Mayte Sancho, Gobierno Vasco, Etxean Ondo, Fundación Pilares.

Etxean Ondo proiektuaren xedea pertsonarengan ardaztutako arreta eredu integrala sortzea eta ezartzea da, ahultasun, desgaitasun edo mendekotasun egoeran dauden eta, beraz, euren etxean bizitzen eta bizi proiektuak garatzen jarraitzeko besteen laguntza behar duten biztanleak helburu hartuta. Ildo horretan, proiektuaren metodologia berritzailea nabarmendu behar dugu. Haren ezaugarririk bereziena IEP (ikerketa, ekintza eta partaidetza) metodologien erabilera da:

  • Ikerketa, zorroztasun zientifikoa erabiltzen duelako, baina ezagutu eta eraldatu nahi duen gizarte errealitatera egokituz eta harekin inplikatuz.
  • Ekintza, arazo bereziak konpontzera bideratuta dagoelako.
  • Partaidetza, ikerketa eta zientzia gizartearen zerbitzura jartzen dituelako, gizarteko arazoak eta beharrak elkarlanaren bidez gainditzeko.