Is older adult care mediated by caregivers’ cultural stereotypes? The role of competence and warmth attribution

Estereotipoen edukiaren ereduan proposatzen da oinarrizko bi dimentsiotan taldekatzen direla kultur estereotipoak; adeitasuna eta gaitasuna dira dimentsiook.

Cuddy-k eta beste batzuek hainbat multzo bereizi zituzten kultur estereotipoak aztertzean: nazionalitatea, etnia, adina, sexua eta abar.

Izan ere, eredu horiek unibertsalak bide dira Amerikako Estatu Batuetan eta 17 nazio gehiagotan. Pertsonen arteko kategorizazioan adina da funtsezko ezaugarrietako bat, sexuarekin eta etniarekin batera. Pertsonen ezaugarri fisikoa eta objektiboa da, eta bizitako urtetan neurtzen da.

Zahartze prozesua (ez adina) estereotipo ezkortzat hartzeko joera dago: batetik, beheraldiei, gaixotasunei eta heriotzari lotzen zaielako eta, bestetik, gizarte gehienetan pertsona zaharren aurkako aurreiritziak eta bazterketa nagusi direlako.