Lazkaoko zaintza ekosistema: Iraupen luzeko zainketen eraldaketarantz

Zaintza ekosistemak tokiko esperientzien eta proiektuen garapenean oinarritzen dira, arreta pertsonalizatuagoa, malguagoa eta komunitatearengandik hurbilago egotea ahalbidetuko dutenak, pertsona guztien herritartasun osoa bilatuz, baita iraupen luzeko zainketak behar dituztenena ere. Horretarako, gizarte-berrikuntza bultzatzen da, etxeko arreta indartzen da eta arreta-ereduaren eraldaketa sustatzen da, besteak beste, gizarte- eta osasun-zerbitzuen arteko lankidetzatik. Azken helburua da pertsona guztiek beren bizi proiektua garatu ahal izatea, behar duten laguntza mota edo non bizi diren kontuan hartu gabe.

Lazkaon, prozesu bat hasi da zainketen egungo egoerari buruzko diagnostiko bateratu bat egiteko, udalerriko pertsonekin batera. Zainketen ikuspegi komunitario batetik diagnostikoa egitea, modu sendo eta koherentean aurrera egin ahal izateko zaintza ekosistema propio baterantz. Horrela, helburua da espazio berean biltzea iraupen luzeko zainketei lotutako ikuspegi eta esperientzia guztiak, elkarrizketa partekatu bat sustatuz, lehenik eta behin, egungo egoera ezagutu ahal izateko, eta, ondoren, azterketa eta hausnarketa horretatik abiatuta, etorkizunerako bide orri komun bat elkarrekin eraikitzeko.