Non eta nola bizi nahi dut?

Dokumentu hau Euskadi Lagunkoia Berria 2025: Etxebizitza eta egoitza eredu berriak erronkaren esparruan egin da, eta, alde batetik, gure bizitzan zehar, eta bereziki zaintza behar dugunean, non eta nola bizi nahi dugun hausnartzeko lagungarri izan nahi du; eta, bestetik, nazioartean, estatuan eta tokian eskuragarri dauden etxebizitza alternatiben biltegi gisa funtzionatzeko helburua du, pertsonak bere bizitzan izan ditzakeen hainbat premiari erantzunez. Helburu horiei erantzuteko, dokumentua bi bloke handitan egituratzen da:

• Nire etxean bizitzen jarraitu nahi dut. Etxean bizitzen jarraitu nahi duten pertsonengan jartzen du arreta, zahartu ahala etxean mantentzeko gomendioak eta laguntzak emanez, eta bide horretan aurki ditzakegun erronkei erantzuten saiatzen da: etxeko egokitzapen fisikoak; alokairuko eta erosketako gastu ekonomikoak; edo etxeko zaintza eta laguntza jasotzea.

• Beste etxebizitza batera joan nahi dut edo joan behar dut. Beste bizitoki batera aldatu nahi duten edo aldatu behar duten pertsonei zuzenduta dago, eta, kasu honetan, sor daitezkeen hainbat premiari erantzuteko hainbat aukera eta irtenbide eskaintzen dira, hala nola: premia ekonomikoak, sozialak, zaintzakoak edo aldi berean bat baino gehiago hartzen dituzten beharrak.