Adinekoekiko 2026-2029 Euskal Estrategiaren diseinua: lan prozesua eta bizitza osorako orientazioa

Artikulu honek 2026-2029 Adinekoekiko Euskal Estrategia diseinatzeko prozesua aztertzen du, Euskadiko bizitza luzearen politiken bilakaeraren esparruan. Joeren azterketan, planen eta estrategien berrikuspenean, funtsezko eragileei egindako kontsultan eta adinekoen ordezkariekin batera egindako lanean oinarritutako metodologia misto eta parte-hartzailearen bidez, bizitza luzeari lotutako erronka eta aukera nagusiak identifikatu ziren.

Emaitzek erakusten dute bizitza osoan, belaunaldien arteko elkartasunean eta adinekoen parte-hartze aktiboan oinarritutako ikuspegia sendotu dela politika publikoen diseinuan. Prozesuak bost ardatz estrategiko ekarri zituen: bizi-proiektua, zainketak, bakardadeak, ekintza komunitarioa eta ezagutza sortzea. Era berean, agerian geratu da informazio- eta ebaluazio-sistemak indartu behar direla, gero eta luzeagoa, askotarikoagoa eta konplexuagoa den gizarte bati erantzuteko.